Samþykkt lög félagsmanna í Járningamannafélagi Íslands.

1gr.       

 Félagið heitir járnigamannafélag Íslands.

2gr.   

Heimili félagsins og varnarþing er sama og starfandi formanns.

3gr.

Tilgangur félagsins er að vinna að hagsmunum þeirra sem stunda járningar, auka menntun og fagkunnáttu. Aðstoða menn til að finna leiðir til menntunar og fylgja eftir velferðamálum hestsins með rannsóknumog eflingu fróðleiks í samvinnu við aðra fagaðila.

Félagið mun einnig vinna að auknum samskiptum járningamanna á íslandi og erlendis.

4gr.

Tilgangi félagsins hyggst félagið ná með ýmiskonar sýningum og námskeiðum fyrir járningamenn og hestamenn, taka þátt í opnum umræðum fræðslu, útgáfu kynningarefnis, samvinnu við hópa stofnanir og önnur félagasamtök tengt hestamennsku.

5gr.

Aðalfundur fer með æðsta vald félagsins og skal haldinn í janúar ár hvert. skal boða fundinn með minnst tveggja vikna fyrirvara. Málefni sem félagsmenn óska eftir að verði tekin fyrir á aðalfundi skulu berast stjórn félagsins minnst 4 vikum fyrir aðalfund.

Þá skal stjórn félagsins tilkynna dagskrá aðalfundarins ásamt tillögum og lagabreytingum sem borist hafa um leið og boðað er til aðalfundar.

6.gr.

Aðalfundur er lögmætur ef löglega hefur verið boðað til hans.

7gr.

umsókn um inngöngu nýrra félagsmanna er tekin fyrir á aðalfundi félagsins. Sótt skal formlega um inntöku eigi að síðar en mánuði fyrir aðalfund.

8.gr.

Stjórn félagsins skipa fimm menn. Formaður, varaformaður, ritari, gjaldkeri og meðstjórnandi.

Stjórnarmenn skulu kosnir til tveggja ára í senn, formaður og ritari annað árið en gjaldkeri, varaformaður og meðstjórnandi hitt árið.

Formaður er fulltrúi félagsins út á við og hefur yfirumsjón með framkvæmdum félagsins.

Stjórnin ber ábyrgð á að framkvæma vilja félagsins eins og hann birtis í lögum þess og samþykktum. Firmaritun félagsins er í höndum allrar stjórnar sameiginlega.

9.gr.

Starfstími félagsins er almanaksárið. Á aðalfundi félagsins skulu gjaldkeri og bókhaldari gera upp árangur síðastliðins árs. Aðeins félagsmenn eru þáttakendur í aðalfundi og eru þeir allir kjörgengir.

10.gr.

Formaður boðar stjórnarfundi og stjórnar þeim. Stjórnarfundur er lögmætur ef formaður og tveir stjórnarmenn eru mættir.

11.gr.

Árgjald félagsins skal ákveðið á aðalfundi og skal það innheimt eigi að síður en 18. mars ár hvert. Aðeins skuldlausir félagar njóta fullra réttinda sem félagsmenn.

Aðrar tekjur félagsins skulu koma frá ýmiskonar fjáröflunarstarfi og fjárframlögum fyrirtækja, einstaklinga og stofnanna.

12.gr.

Útgjöld félagsins afmarkast af fjárhagsáætlun og samþykktum stjórnar - aðalfundar.

13.gr.

Tillögur um að leggja félagið niður má aðeins taka fyrir á lögmætum aðalfundi. Til að samþykkja þá tillögu þurfa minnst 3/4 viðstaddra atkvæðisbærra félagsmanna að greiða henni atkvæði.

Verði félagið lagt niður skulu allar eignir þess renna til Landsambands hestamannafélaga kt. 710169-3579 og skulu þær notaðar til verkefna á sviði dýraverndunar.

14.gr

Lög þessi öðlast gildi að samþykkt lokinni á stofnfundi 18. mars 2006.